Laing tulo (3) na usab ka mga organisasyon ang nakadawat sa Sustainable Livelihood Program kun SLP nga gitunol sa Department of Social Welfare and Development (DSWD) sa Lungsod sa Talacogon. Ang mga organisasyon mao ang mga mosunod; San Agustin Growth SLP Association, Batucan Integrated SLP Association ug Labnig SLP Association. Gidawat ang cheke nga nagkantidad ug 600k ug certificate sa opisyales sa matag kapunongan. Gitunol kini sa representante sa DSWD, MSWDO Talacogon Ma’am Fritzie Ann Bag-ao Asotigue ug Municipal Administrator Gina Balayo Gatab.
“Hinaot nga inyong tarungon pagdala ang inyong asosasyon, mapalambo ug magpadayon para mahimo kamong panig-ingnan sa uban,” kini ang mensahe ni Mayor Pauline Marie R. Masendo, RN.
Ubos sa liderato ni Mayor Pauline mas daghang asosasyon sa matag barangays ang nakadawat sa maong mga programa. Mas pakusgan pa niya ang pagtabang ilabi na kung magkahiusa ang mga katawhan sa matag barangay nga nangandoy sa mapadayunong pag-uswag.
SERBISYONG TALACOGON, SERBISYONG MAHIGUGMAON!