Turn-Over Ceremony sa Concrete Pathway sa Purok 2-3, Barangay Batucan -KALAHI-CIDSS Phase 3
Gihimo ang usa ka turn-over ceremony sa sementadong agi-anan sa Purok 2-3, Barangay Batucan, ilawom sa KALAHI-CIDSS Phase 3 Implementation. Ang maong proyekto usa ka mahinungdanong lakang aron mapaayo ang kahimtang sa transportasyon ug makahatag og mas maayong akses sa mga residente sa maong mga purok.
Ang seremonya gitambungan sa mga lumulupyo sa Barangay Batucan, lakip na ang mga opisyales sa lokal nga gobyerno ug mga representante sa DSWD. Anaa si Mayor Pauline Marie R. Masendo, RN , ang Municipal Administrator Gina Balayo Gatab ug ang mga BLGU officials nga gipangulohan ni Punong Barangay Edwin Castromayor. Ang mga residente sa Batucan nagpahayag sa ilang kalipay ug pasalamat sa dakong proyekto ug naglaum nga magpadayon ang pag-uswag sa ilang barangay sa umaabot pa ubos sa liderato ni Mayor Masendo.
Municipality of Talacogon, Agusan del SurSERBISYONG TALACOGON, SERBISYONG MAHIGUGMAON!